巴士阿叔小肥婆

轉貼: YouTube 城巴超級垃圾蟲 (有粗口, 請家長指引)

6月6日早上約 8:40am 左右, 我上車了一架由九龍去港島區的城巴後, 上了上層後便坐在尾二最右邊座位, 此時, 見到一位戴cap帽、穿淺藍色上衣的男子, 他坐在巴士最後一行左邊第一個位, 看著他將吃完一袋約便利店袋那麼大袋食物後, 就隨手掉在巴士地上, 還用腳踢到前面座位底, 再將抺完咀的紙巾又同樣掉到地上及用腳踢到前座, 我已望了他三次, 他亦知道我望他, 但沒有理會我,諗了一會兒後,實在看不過眼, 還是忍不住禮貌地叫他清理那些垃圾, 否則會叫司機處理。都預了他會罵我, 但如果他罵得不太過份, 又願意清理那些垃圾的話便算, 怎知他完全沒意思清理垃圾的意思, 更立即破口大罵:「肥婆,關你 X 事呀!咁 X 多事?!XXXXXX

(下刪數十字辱罵字眼及粗口)」

我見他只是不停地罵, 又不肯清理垃圾, 唯有等停車時走到下層找司機幫忙。
司機走上來看到他已將地上那袋垃圾放在我本來坐的尾二那行右手邊第一個位(他自己則坐 在旁邊那個位),司機請他必須清理那袋垃圾,他初時都說:「好的!好的!我會清理!」
接著又立即繼續用粗口對我狂罵,本來已轉身走的司機立即回頭叫他不要再罵我,
這時他又用粗口罵司機說:「我鬧佢關你 X 事呀!」
他跟司機罵了兩、三句後, 司機可能必須繼續開車(上班時間),
所以沒多理會他, 只說了一句:「我一陣會搵車長同你講!」便走回下層開車。
但這名垃圾蟲還是不斷很大聲地用粗口辱罵我, 為了令他安靜,
才想到將他罵我的情況及樣子錄起, 希望他怕事後不再罵我, 所以便有這段短片。

錄這段片時他還一臉想打我的樣子, 但他都應該知道不能對我動武, 所以走了到下層。以為就這樣平息了。
(但請留意他仍然將袋垃圾放在尾二最右手邊的座位上沒清理)
過了不到三分鐘, 他又走上來很兇的罵我, 叫我立即刪了這段短片,
更一屁股用力地坐到我旁邊的座位, 繼續大聲地、兇神惡殺地指著我叫我立即刪片,
似乎希望我會因害怕而刪了這段短片,
不斷說 :「妳立即同我洗 X 咗段片佢呀! 咁 X 多事! 關你 X 事咩! XXXX ! ................. (又下刪數十字)」又說要報警, 我說 :「隨便啦! 睇吓警察睇完段片會覺得邊個唔啱?」
罵了五分鐘後, 他又突然說 :「當我唔該妳啦! X! 妳洗 X 咗段片佢啦! 我知妳會放上網, 我屋企都有電腦, 妳咁樣我實畀人笑 X 到面黃啦! 妳咁即係有心玩嘢啫! 」
我答 :「我有心玩嘢就一開始已經錄你片啦! 駛乜等咁耐呀!」
他說 :「X! 咁妳想點呀! 其實好小事啫! 駛乜搞到咁大呀! X! 我唔該妳洗咗段片佢啦!」
我說 :「你想我洗段片, 咁唔該你坐開啲先啦! 你咁兇我, 我點會洗咗段片呀!」
他說 :「好! 好! 我坐開, 我立即坐開! 」
他便坐到前面一個座位, 但又繼續用粗口半罵半求我地要求我刪了這段短片,
但他實在太嘈, 我說 :「如果你唔再嘈, 我到落車就會洗咗段片。」
他仍然沒有停止, 繼續沒完沒了地罵, 罵了十句又求一句, 像精神分裂似的!
我說 :「你同我講嘢既說話好唔尊重我, 又用粗口同我講嘢, 叫我點可以立即洗咗段片?!」
「X! 我哋啲粗人係咁架啦!」
「但我就係唔鍾意聽粗口!」
「咁好啦! 係我唔啱啦! 靚女, 對唔住囉! 我畀千五妳囉!」
「你講得太假, 我唔接受, 同埋千五蚊唔係畀我, 係畀政府!」
「咁妳即係玩嘢啫! XXXX(罵了幾句後, 又開始精神分裂) 好啦! 好啦! 小姐, 我唔該你洗咗段片佢啦!」
「咁好吖, 一係你留個電話畀我, 然後自己去警署報案, 罰咗錢後再畀噃張傳票我睇, 我咪洗咗段片佢囉!」
「X! 妳都黐 X 線架! XXXX! 點會無情情拎住部錄影機出街架! 錄埋啲嘢嚟害我!」
「我果部只係相機, 你冇做錯嘢又點會有嘢畀人錄啫! 咁驚人哋睇到段片你就咪咁做啦!」
「X! 人哋最多都係拎手提電話錄啫, 都唔知妳帶住部相機做乜! 我都唔 X 識妳! 你做乜要咁害我呀! XXXX! 都唔 X 正常架妳!」
「咁我又做乜要淨係害你, 又唔見我害其他人? 你自己心中有數啦!」
「X! 其實真係好小事啫!」
「嘩! 你成袋垃圾就咁掉喺度, 足夠野成咋曱甴嚟啦!」
「咁關妳 X 事咩! 肥婆! X 妳! 」
「........................」我已經不想再說話, 以免影響其他乘客, 對著這樣的人, 再說下去也沒意思!
但他仍然繼續罵 :「妳明知我唔敢報警, 報咗警又畀人罰千五, 妳都唔知係咪特登架! 好似美心果條女咁! 有心整我架! 都唔知其實妳係咪就係美心果條女!」
這時, 坐在左邊後一個座位的女仕也忍不住說 :「你好嘞喎! 明明係你唔啱在先! 仲喺度咁話人, 我可以做證人告你誹謗架喎!」
他又不知罵了那位女仕什麼的, 見我不肯刪片, 只好邊罵邊走了去下層, 終於靜了下來。

到了紅磡海底隧道站, 突然上層所有乘客都聽到下層傳來那個男人的吵鬧聲,
接著聽到似乎是司機說 :「你收聲! 車長係要咁樣做, 佢要上去搵果位小姐架!」
之後車長上來跟我留了姓名及手提電話, 又問我是否需要報警,
我說其實只是想他清理那袋垃圾, 他沒有傷害我, 不用了, 請司機快點開車就是了!
車長走回下層, 聽到那男人不知罵什麼, 幾句後便再沒有他的聲音, 同時司機亦開車了。

到我下車時, 司機還問我有沒有事, 我說沒有, 亦跟司機道謝,
司機知道我沒什麼事也鬆了一口氣, 還笑著說 :「唔好咁講!」
還好遇上兩位明理及處事公正的司機及車長, 還有更要在此多謝那位好心的女乘客, 真的很感謝您們!

我已考慮了大半天是否要將這段短片上載至此,
因我本來並不是想要害這個男人, 但他罵了我足足半個小時,
最後連司機、車長也罵, 而且完全沒有悔意, 仍然認為「在公眾地方隨地掉垃圾」是很小事!
掉垃圾本來就是犯法, 還要是那麼大袋, 而且又將垃圾刻意踢到前座, 明顯很沒公德!!

為了不想他再這樣掉垃圾, 以及作為一個反面教材,
希望各位都能注重公德, 愛護環境, 不要做垃圾蟲,
所以最後還是決定要將這段片放上來作為大家的警惕。

還有, 可能有部份人會覺得我多事, 甚至搞事,
不過, 我相信會有更多人明白誰是誰非, 謝謝觀看!

仲有其它阿叔:

• 城巴阿叔
• 機巴阿叔
• 輕鐵阿叔