地鐵夫婦 Shame of Hong Kong

唔知邊個o岩邊個唔o岩,睇唔到事實o既全部,可能果條友真係行黎行去,冇人知.
不過我好憎人搭地鐵有位坐蹺,己經有位坐舒舒服服啦,仲要蹺?

(copied from Orientaldaily)

地鐵叔嬸中英文喪罵熱播
01/02/2009

巴士阿叔「壓力論」一罵成名後，YouTube又出現一段約四分半鐘長，題為《地鐵夫婦：``Shame of HongKong！（香港之恥）”》的三人互罵片段，上載網上大半天已有逾六千五百次點擊率。片中只見一對男女連珠炮發中英夾雜破口大罵另一名男子：「自己走走去」、「你跳BreakDance（霹靂舞）你事……You are moving，no tme！（係你走走去，唔係我）」；片末該對男女斥對方：「Shame of Hong Kong（香港之恥）！」不過，留言網友均批評這對男女影衰港人：「真係Rubbish（垃圾）喇！」

片段由低角度拍攝被指為「夫婦」的一對男女，而被罵男子未被攝入鏡，上周五晚由網民Keithsoho上載至YouTube，截至昨日中午轉為私人模式前，短短十多小時已有逾六千五百次點擊率，據上載者留言，片段攝於年初五，而他坐在罵人者身旁。而在相信是拍片者撰寫的網誌中指，他目擊事發經過，罵人女子「翹腳坐」，列車行駛時的動令她的鞋子輕輕踢到站在前面的被罵男者長褲，該男子說出一句：「嘩，睇住喎。」罵戰隨即展開。

互罵「八婆」「八公」
只見該女子罵人時一直揮舞縮骨遮，初段見她謂：「你自己走走去你事，唔好話我揩親你……You are moving，Not me！」又斥對方：「咁多位唔企係要企響我前面，未見過女人呀？」被罵者反駁幾句，婦人續斥責道：「你就最好去做TalkShow（棟篤笑），冠文都唔夠你Talk（講）呀……Stay away from me呀（離開我遠）！」

而坐在該女子旁的男子全程「幫口」，指摘對方「你又要特登走挑釁」，又指對方手部動作令「隔籬個Lady（女士）畀你整親。」有其他乘客嘗試勸止，三人反愈鬧愈烈，互罵「八婆」、「八公」，婦人在片段末更道：「Goto hell！（下地獄吧）」，之後這對男女連珠炮發地說：「人渣」、「垃圾」，被罵男子回應道：「咁都有！」之後，該女子斥喝道：「Shame of Hong Kong（香港之恥）！」片段不久即完結。

網民斥夫婦「垃圾」
在YouTube留言的網友均批評該對中英並用罵人的男女的言行，指「呢兩公婆就真係Rubbish（垃圾）」，是潑婦罵街、蠻不講理，有人更揶揄二人是「模範夫婦」、婦人的英文「屎」，影衰香港人，又笑言「將來呢段片會同巴士阿叔一樣咁紅」。不過，亦有人嘆指本港地少人多，生活環境狹窄，「每個人空間小，自然心情煩躁。」

片段前晚上載網上至昨中午前由公開轉為私人模式，稍後時間同一片段加入版權字句後以近似題目再上載網上。