一蚊雞港女 Never Mind小姐為一蚊辱罵司機 (有片)

港女為一蚊辱罵司機

「小巴不設找續是常識吧！」一段「憤怒港女為咗幾蚊喪X司機」嘅短片喺網上瘋傳，片中­女主角似乎係搭小巴入多咗一兩蚊，之後叫司機Return(退錢)，當司機回答無得退­之後，戲肉就嚟喇。呢位喺旺角富榮落車嘅小姐，不停以高8度嘅聲線挑釁司機「我喺富榮­落㗎，I Never Mind(我唔介意))呀」、「我咪同你站頭站長講囉，係你自己講話做埋今晚唔X做㗎­」，司機好似無咁好氣同佢嘈，無奈回應「啱啱，報警得喇，你鍾意點就點，你唔好同我講­」。



「Never Mind小姐」得勢不饒人，繼續連珠發炮「做唔X做唔關我事丫，我係講緊嗰幾蚊㗎咋」­，當然唔少得投訴司機嘅服務態度喇。好彩位司機哥哥見慣世面，繼續揸車之餘仲安慰其他­乘客「唔怕㗎，唔駛驚㗎，我經驗豐富㗎」，拍片嘅男乘客無耐落車，仲問需唔需要幫手報­警，司機哥哥好感激佢，就講「呢啲好小事，唔駛理佢」。

網民睇完短片之後，一面倒撐司機「小巴不設找續是常識吧」、「要佢同個小巴司機道歉」­、「聽到佢把死人聲都火滾」，唔知各位睇完又有咩感覺呢？

轉貼: YouTube - 憤怒港女為咗幾蚊喪X司機

根據本港法例，小巴乘客不可故意妨礙司機或分散其注意力，違者可罰款3,000元及監禁6個月。運輸署亦指，市民乘搭公共小巴時若多付車費，可聯絡營辦商要求跟進。