公說公有理，婆說婆有理- 小器老豆公仔佔座 阿婆霸王硬上弓

轉貼: YouTube - 西鐵中年婦強霸座位惡人先告狀

話說小器男同兩個七、八歲女，加埋隻毛公仔坐喺西鐵嘅綱面長凳上面，同座重有個初中小­女生。有個六到抆嘅時髦阿婆叫佢哋拎開隻公仔，話口未完就靠邊坐喺公仔前面，阿婆睇嚟­好攰，一路抹汗一路重懶熟咁撩佢個女傾偈，小器男見狀打岔，話係四座位嚟嘅，埋怨阿婆­坐落嚟。阿婆就話兩個𡃁妹咁細粒，拎開隻公仔就大把位，反問點解唔坐得五個人。小器男­同個女講話啲人好冇禮貌，阿婆重笑笑口話後生仔要敬老，唔好教壞啲細路。相反小器男就­好認真，反駁話幾廿歲大晒咩，並全程錄底話明放上網。

查實港鐵冇明文規定話啲綱面長凳係要坐幾多個人，唔通四座位嘅畀三個肥佬坐晒就話唔啱­咩？四個細路坐咗張凳就唔畀人再坐咩？

老人家或者係恃老賣老，但係男人老狗寸步不讓也太小器吧。做人嘅嘢，凡事睇開啲，人都­開心啲。小器男步月餅男后塵濫用 youtube， 將一些雞毛蒜皮瑣事主觀地表述，甚至抹黑「異己」，將其容貌公諸於世，實在有欠風度，­此風不可長。

港鐵呼籲乘客，應讓座予有需要人士，乘客亦應照顧同行小童及老人，免生意外。

繼賜座男、陰功男、食屎男、月餅男後，又爆小器男，港人素質每況逾下，情況實在令人擔­憂。