ALEX YIP 打人虐狗

轉貼: YouTube - ALEX YIP 打人虐狗

此人打人虐狗目無法紀; 警察漁農處助紂為虐!

此人 ALEX YIP 從事金融界兩年多前租住葵涌青山道307-311 號商業大廈8樓一單位,並飼養一大型牧羊犬及一小型牧羊犬. 大廈樓下有一物流公司老闆飼養一隻唐狗阿旺, 阿旺是一隻十分盡責的看門狗, 因職責所致有咬人紀錄但隨後老闆用鐵鏈拖綁阿旺以管束. ALEX 初時只領養一大型牧羊犬性格溫馴, 但神經質曾多次咬主人及其他狗的惡行, 但狗主們體諒可能背景所致便容忍. 其後購買小型牧羊犬飼養, ALEX 對其犬極之縱容不管束時常騷擾人和狗隻 (特別是狗女). 每當別人指責便引用漁農處20 KGS 以下免拖繩法例反駁. 除此小型牧羊犬每次出入大廈總挑釁阿旺; 就因此ALEX 不岔其小型牧羊犬不敵阿旺動怒而施虐!

狗媽媽身世是一個謎; 大約一年前流連石籬公屋一帶. 有人說本身是流浪狗亦有說是被遺棄; 性格害羞細膽對人亦沒有攻擊性所以沒有遭人不滿. 可惜命運驅使下流連到物流公司認識阿旺, 狗媽媽可能喜歡有同伴而物流公司老闆亦不介意多養一隻, 本以為狗媽媽可以找到落腳地但可惜好景不常. 年初狗媽媽跟阿旺生了一窩小狗, 老闆亦明白不能收留太多狗, 所以四處找人領養小狗只剩餘2隻沒有人認領. 因為假期及晚上大廈正門關閉 ALEX 放狗必須經過物流公司, 但每次經過其小牧羊犬必走近阿旺挑釁, 而狗媽媽愛子心切每每向小牧羊犬吠叫以 作警告. 但 ALEX 對牠們吠叫極之不滿並驅趕. 7月尾至8月期間物流公司打算搬離亦是狗媽媽惡夢開始!

黃小姐是在該大廈上班公司亦飼養3隻唐狗跟阿旺及老闆頗熟絡; 因為多次見ALEX驅打騷擾狗媽媽一家而指責因此起口角. 大約8月中至底 ALEX 疑被自己所飼養的牧羊犬咬傷而生計嫁禍阿旺, 致電漁農處虛報被阿旺咬傷, 漁農處在 ”沒有証人及調查下” 捕捉阿旺, 期間ALEX 向看更展示傷口, 但傷口位置在前右大腿內側很難想像當一隻狗在攻擊你的時間, 是用甚麼姿勢讓大腿內側被咬我們也很質疑. 可憐阿旺白白食了死貓兼在漁農處坐監! 老闆亦查問漁農處有沒有見過投訴人; 漁農處說: “此人沒人現身!” 老闆贖回阿旺後ALEX不岔再致電漁農處捕捉流浪狗, 幸而漁農處到達老闆在場聲稱狗媽媽一家是他所養才免一死. 因為沒有清除狗媽媽一家, ALEX 更加不岔趁物流公司下班或假期沒人時自行進行清除行動.

8月中物流公司開始搬遷行動. 某日黃小姐上班發現阿旺前腿被打傷, 幸好未致斷骨那時黃小姐已知道是ALEX 所為但苦無証據. 某星期日回黃小姐在公司露台料理狗隻; 突然聽見物流公司有狗吠聲一看 ALEX 手持木板驅打阿旺一家. 黃小姐即時渴止. 隨後幾天阿旺再次被人打傷眼部, 老闆見情勢不妙立即帶走阿旺及2隻小狗. 老闆也打算帶走狗媽媽但可惜狗太驚老闆沒法帶上車獨自留在物流公­司.

9月頭物流公司已搬走. 某星期日黃小姐如常回公司料理狗隻剛巧在業成街足球場碰見 ALEX, 再次因為小型牧羊犬沒有拖繩及挑釁黃小姐狗隻再發生口角. 其後ALEX 更向黃小姐動武之後逃回大廈, 兩人在大廈停車場再次發生爭執: 此片段 (**留意後段; 當黃小姐問是否有打阿旺, ALEX 面色有變迴避問題***).

警察到場了解情況, 但說黃小姐沒有被襲傷痕及目擊者草草落簿了事. 雖然是意料中事但對警方非常失望, 何為"被襲傷痕" 莫非是要當事人白白受傷有瘀血有刀傷才是罪證? 又在苦無証據讓 ALEX 脫身! 9月15日黃小姐看見狗媽媽被打至腳傷拍下片段上網求助.

期間黃小姐詢問附近工作人仕有否看見狗媽媽被打, 有幾人証實有目擊並說打狗媽媽的人確實是影片中人 ALEX YIP. 但對香港人來說一隻狗重要還是一份工重要; 最終沒有人肯挺身做証. 黃小姐害怕狗媽媽性命不保嘗試捉狗媽媽交回老闆但不成功. 第2天有人跟黃小姐說看見狗媽媽頭陪流血, 黃小姐打算捉狗媽媽. 幸好得朋友介紹聯絡上幾位義工, 就在中秋節當日成功捕捉狗媽媽但驚見狗媽媽頭部傷口已被蒼蠅虫入­侵狀甚恐怖慘不忍目睹!



網誌日期：2010-09-23 17:22
http://hk.myblog.yahoo.com/jw!sIzMeg6LAxt7kh6Dcg--/article?mid=10950 

大家可能係facebook曾經見過個video，有個衰人成日打阿狗媽媽。
因為果道既看更姨姨早幾日同餵開佢既Wince姐姐講，話見倒佢個頭有個大傷口。Wince姐姐佢地好擔心，試過好幾次都捉唔倒佢，佢怕人，就算餵開既姐姐們都埋唔倒身(唔惡但可能成日被打所以唔再信人)。

今早Betty出過去一次，但狗媽媽無出現。

Betty返到黎就收到電話話佢出現啦，於是我同Ling一齊同Betty飛出去。
工廠大廈既看更姨姨真係好好人，佢地幫我地關左停車場大鐵閘。停車場都幾大，好彩狗媽媽後尾走出黎，我地趕左佢去一個車底。大家搬d木版圍著佢等佢走唔倒。

狗媽媽好驚，點都捉唔倒出黎，但今次捉唔倒佢一定死硬，頭頂個傷口好大，亦都聞得出又見得倒有蒼蠅蟲。
最後我地求救一位朋友，過黎幫佢打麻醉針。 狗媽媽暈暈地我地就立即搬佢出黎，打左少量藥入去，即刻車佢去診所！






今次要多謝診所幫助我地幫助狗媽媽，佢地會比個special discount我地。
3合1驗血 + 除蒼蠅蟲手術(可以的話做埋desex，要睇佢既心跳情況) + 住院1個星期(包所有藥)，大約要 $5500

現在我地特此向各位求助，捐款比狗媽媽今次既治療費用(我地上次幫金毛Popeye個基金仲有$400幾我未捐出去，如果大家同意我會用埋係狗媽媽治療費用上)，如果大家肯捐款幫助狗媽媽，請留言我會pm你個戶口號碼。單據出院時我立即scan放上黎。

呢個就係當時狗媽媽被打後餵開佢既姐姐影既

經過兩個鐘頭，狗媽媽remove蒼蠅蟲既手術完成了，姑娘話傷口好大，入面好多蟲，約二百幾條，縫左20幾針。因為唔夠時間做埋絕育手術，過幾日問下醫生可唔可以做。

Updates :

我地明白大家都關心狗媽媽既情況，但由於現時佢未穩定落黎，再加上佢驚人，希望大家體諒一下，現時唔適合探訪。請大家比狗媽媽休息養傷。

因為我本身亦都要工作，亦忙於照顧家中大小，所以有時未必能夠即時回复大家，所有有關狗媽媽既文章、照片，video和最新消息，所有人都可以睇倒，方便大家知道佢最新情況，請見諒！

24/9/2010

Ling Lau 昨晚和醫生通過電話,手術做了2小時,傷口很大,除大虫外,裡面有無數的幼虫比螞蟻還細...因傷及耳朶神經線,日後或會有後遺症,如雙耳不能豎起或其他 未知之數.手術後縫了針的位置尤如地圖...由於醫生恐麻醉時間太長,而狗狗身體虛弱,同時亦留意到牠呼吸有些問題,故昨天未有一同做絕育手術.因牠傷口 四週有很多肌肉已壞死,縫合後牠頭顱的皮膚會拉得很緊,原先很擔心牠雙眼會不能合上,但幸好現在沒有問題.現最首要是醫好牠大前提.狗狗到現在仍很驚慌, 不肯進食...現狗狗需要留院2星期.我們希望可以籌集到足夠的醫療費用.幫助這隻可憐的狗媽媽渡過難關.

昨日是我生平第一次跟隨去捉流浪狗,捉一隻好"核突"的流浪狗...整個過程歷歷在目,一整日,一整晚都在我腦裡轉...我知道街上有無數可憐的小 動物,有很多比狗媽媽更慘...多如恆河沙數...我們只可以盡力而為,救得一隻得一隻.所以,很多謝各位的捐助!你們每一位都是美麗的天 使!THANKS SO MUCH!!!





Betty 今早探過狗媽媽，佢好唔開心，唔肯食野，姑娘姐姐都買左叉燒比佢但都唔食。
夜少少我同Betty再落去睇佢再update大家！

25/9/2010

姑娘留言狗媽媽狗媽媽終於肯食野!不過要一粒一粒放落佢口裡面!仲要係(燒+肉醬), 佢冇意識想食同飲.........但至少放落佢口裡面~肯食~~成功!

下午去探狗媽媽，姑娘話Wince姐姐黎探佢，仲拎左餵開佢既食物黎。狗媽媽見倒Wince姐姐比較眼仔loklok，Wince 姐姐走後，狗媽媽等無人無聲時自己食哂食物，YEAH!!! 今日見倒佢比前日昨日精神d，我地摸佢鼻鼻，佢仲台起頭，令埋牆唔望我地。都好丫佢有多d反應係好事黎架！聽倒佢自己肯食野真係好開心，如果今晚佢繼續肯 食，就可以停止吊鹽水喇！

由於之前報價$5500未包括留院多一星期(現一共要留兩星期院)，最快要星期日26/9/2010下午我才知道總數要多少，我一有消息會盡快update大家)

26/9/2010

早上Wince & Penny探狗媽媽，果然佢認得佢地，仲企左起身。姑娘話我地到達之前狗媽媽係無聲無人時食左少少野，有自己飲水。

由於佢已經係籠困左幾日，我地想佢出下黎習慣一下舒一下氣，於是我地抬佢出黎。狗媽媽當然好驚，驚到係咁震，Wince & Penny不停安慰佢同佢按摩，過左一陣佢無震。不過如果有人行過，佢又會再震過。


晚上姑娘姐姐打比我，講左個好消息我知，佢話醫生剛才試下用手餵佢食雞肉，狗媽媽竟然食


下午姑娘姐姐打比我，同我講佢已經食緊第二餐喇。

姑娘姐姐發現佢有牛B，捉左5隻。幫佢滴左Frontline plus 和餵佢食左防心絲蟲藥 Heart Guard。

今個星期尾左右就會同佢做埋絕育手術，到時打埋防疫同瘋狗症針 + 晶片。

剛才姑娘回复我總數為$7884(已包括3合1驗血 + 除蒼蠅蟲手術 + 2星期住院(鹽水和藥物) + 絕育 + 防疫/瘋狗症針 + Frontline Plus + Heart Guard)。現時我地集合既捐款已經足夠找數。但因為今個星期尾做絕育，姑娘亦幫我地問緊醫生幾時可以拆洗傷口個導管，我地問緊診所再比佢住多一星期 (即一共三星期)既收費。我地估計現時既捐款應該足夠比哂總數的，而且我地亦都需要時間去搵暫托或領養，希望大家見諒！